یوں تو پہلے بھی ہوئے اس سے کئی بار جدا 

لیکن اب کے نظر آتے ہیں کچھ آثار جدا 

گر غم سود و زیاں ہے تو ٹھہر جا اے جاں 

کہ اسی موڑ پہ یاروں سے ہوئے یار جدا 

دو گھڑی اس سے رہو دور تو یوں لگتا ہے 

جس طرح سایۂ دیوار سے دیوار جدا 

یہ جدائی کی گھڑی ہے کہ جھڑی ساون کی 

میں جدا گریہ کناں ابر جدا یار جدا 

کج کلاہوں سے کہے کون کہ اے بے خبروں 

طوق گردن سے نہیں طرۂ دستار جدا 

کوئے جاناں میں بھی خاصا تھا طرح دار فرازؔ 

لیکن اس شخص کی سج دھج تھی سر دار جدا 

यूँ तो पहले भी हुए उस से कई बार जुदा 

लेकिन अब के नज़र आते हैं कुछ आसार जुदा 

गर ग़म-ए-सूद-ओ-ज़ियाँ है तो ठहर जा ऐ जाँ 

कि इसी मोड़ पे यारों से हुए यार जुदा 

दो घड़ी उस से रहो दूर तो यूँ लगता है 

जिस तरह साया-ए-दीवार से दीवार जुदा 

ये जुदाई की घड़ी है कि झड़ी सावन की 

मैं जुदा गिर्या-कुनाँ अब्र जुदा यार जुदा 

कज-कुलाहों से कहे कौन कि ऐ बे-ख़बरों 

तौक़-ए-गर्दन से नहीं तुर्रा-ए-दस्तार जुदा 

कू-ए-जानाँ में भी ख़ासा था तरह-दार 'फ़राज़' 

लेकिन उस शख़्स की सज-धज थी सर-ए-दार जुदा