زمیں چھوڑ کر میں کدھر جاؤں گا 

اندھیروں کے اندر اتر جاؤں گا 

مری پتیاں ساری سوکھی ہوئیں 

نئے موسموں میں بکھر جاؤں گا 

اگر آ گیا آئنہ سامنے 

تو اپنے ہی چہرے سے ڈر جاؤں گا 

وہ اک آنکھ جو میری اپنی بھی ہے 

نہ آئی نظر تو کدھر جاؤں گا 

وہ اک شخص آواز دے گا اگر 

میں خالی سڑک پر ٹھہر جاؤں گا 

پلٹ کر نہ پایا کسی کو اگر 

تو اپنی ہی آہٹ سے ڈر جاؤں گا 

تری ذات میں سانس لی ہے سدا 

تجھے چھوڑ کر میں کدھر جاؤں گا 

ज़मीं छोड़ कर मैं किधर जाऊँगा 

अँधेरों के अंदर उतर जाऊँगा 

मिरी पत्तियाँ सारी सूखी हुईं 

नए मौसमों में बिखर जाऊँगा 

अगर आ गया आइना सामने 

तो अपने ही चेहरे से डर जाऊँगा 

वो इक आँख जो मेरी अपनी भी है 

न आई नज़र तो किधर जाऊँगा 

वो इक शख़्स आवाज़ देगा अगर 

मैं ख़ाली सड़क पर ठहर जाऊँगा 

पलट कर न पाया किसी को अगर 

तो अपनी ही आहट से डर जाऊँगा 

तिरी ज़ात में साँस ली है सदा 

तुझे छोड़ कर मैं किधर जाऊँगा